विधिको नियम कस्तो-पदमराज न्यौपाने

 प्रकाशन मिति २०८१-१२-१२

विधिको नियम कस्तो

कसैलाई मालामाल छ यहाँ

कसैलाई फालाफाल छ यहाँ

जनताई बाँच्नै गाह्रो छ जतै

नेतालाई पाला पाल छ यहाँ । १

कोही रोएर बाँचिरहेका छन्

कोही दुख साँचिरहेका छन्

कतिअरुलाई देखाउँन मात्र

दारा किसी नाचिरहेका छन्। २

कोहि हाँसी हाँसी जन्मे यहाँ

कोहि मर्नको लागी बाँचेका

पिडा माथी पिडा छ कसैको

कतै छन् रमाई रमाई नाँचेका । ३

कोही पिडाको आँशु झार्दैछन्

कोही क्रिडामा मख्ख छन् यहाँ

कतिका चहराएका घाउ हरु

वेदनाको झंकार बन्दैछन् यहाँ । ४

कसैलाई दुःख के हो थाह छैन

कसैलाई सुखको छैन अनुभव

कोही तड्पिएर बाँच्दैछन् त

कसैको असंख्य छन् वैभव। ५

के हो के हो बुझ्नै सकिन खास

कोही मर्दा पनि दुलही जस्तै

सिंगारिएर जान्छन् चिहान

कोही नाङ्गै जानुछ जन्मदा जस्तै । ६

पदमराज न्यौपाने

रामारोशन ४ अछाम