✍️चारु 🇳🇵
केलाई ठिक ,केलाई बेठिक भन्छन् अझै
समय अनुसारको ,आधुनिक भन्छन् अझै ।
मन त मनै हो जुन बेला पनि फेरिन सक्ने
पख पख भनी️ तोकेर कात्तिक भन्छन् अझै ।
दिन, रात, हप्ता पनि अनायासै बित्दै गयो ,
समाधान गर्न खोज्दा,मासिक भन्छन् अझै ।
हरेक झमेला बेहोर्दै , सबैलाई होस् भनी
सल्लाह गर्दा उसको नजिक भन्छन् अझै ।
मनमा के राख्छन् कुन्नी, बाहिर नै देख बरु
नगर त्यसो भन्दा समसामयिक भन्छन् अझै ।
गर्दा जे पनि गर्ने आफै , पाप पखालिन्छ रे
ऊदाहरणको लागि धार्मिक भन्छन् अझै ।
साच्चै प्रश्न ऊठाऊने मन थियो जानकारसँग
विश्लेषण गरी फेरी , नास्तिक भन्छन् अझै ।
✍️प्रेम थापा "मन"🇳🇵
Tags:
चारु