✍️चारु🇳🇵
=======
आज सब्जी अल्नै खाइयो , बजारमा नुन छ
मेरा नाककान बुचै रहे,लङ्काभरी सुन छ ।
आकासमा नौलाखे तारा, रातै झिलिमिली ,
सबै तारा टीकी जत्रा , नाङ्ला जत्रो जुन छ ।
राधिकाका प्रेमी हुन् रे उनै कृष्ण काले ,
वृन्दावनमा मुरली बज्यो , कति मीठो धुन छ ।
गैरी गाँउको भुन्टे केटो बस्छ एकान्तमा ,
अड्कोपड्को तेलको धूप , उसको ठूलो गुन छ ।
सँगीसाथी पोइला गए ठिटा छानीछानी ,
यौवनले भरिपूर्ण, मलाई लाने कुन छ ।
✍️बुद्धिप्रसाद सापकोटा,गैँडाकोट ७,नवलपुर
🙏🌺🇳🇵🙏🌺🇳🇵🙏🌺🇳🇵🙏🌺🇳🇵🙏🌺🇳🇵🙏
Tags:
चारु