कोही स्वतन्त्र गजल ,कोही त चारु भन्छन् -सुन्दर शोभन,

 

✍️चारु

=======

कोही स्वतन्त्र गजल ,कोही त चारु भन्छन् !

दुबै नाम होस् भनेमा नपढ्ने थारू भन्छन्  !

वेद र अध्यात्म सत्य भन्दै पुरेत बन्ने ,

रमाइलो गर्नै परे खै काँ छ दारू भन्छन् !

हुँ कट्टर राष्ट्रवादी भन्नेका छद्म बोली,

नेरूको के तुक छ र ? चाहिन्छ भारू भन्छन् !

बिचित्र मोह देखिन्छ जहाँ पनि कुर्चीकै ,

खेल्नेका बोली- अरू त सबै सिकारु भन्छन् !

जातिवादका बिरोधि भाषण दिनेहरू ,

जाल रचेर त्यही जालमा पारु भन्छन् !

✍️सुन्दर शोभन,नारायणगढ,चितवन