पलाय डाली मञ्जरी-पदमराज न्यौपाने

 

पलाय डाली मञ्जरी

पलाय पल्लवी सारा

वनको कन्दरा धरा

फूलेर गुरास रातै

सुन्दर हरा र भरा ! १

भुनभुन मधुको ध्वनी

फूलको केशर चुसी

उज्यालो देखिन्छ जतै

फक्रेछ मनको खुसी । २

मधुर सुवास छर्दै

सुगन्धा फूल मञ्जरी

कोइलीको सुरिलो धुन

छर्दैछिन रुपमञ्जरी । ३

चल्दैछ पवन मिठो

सुसेली डाली मञ्जिल

ओकल्दै विरही भाका

गाउँदै कण्ठ कोकिल । ४

उर्वरा हरा र भरा

उचा ती भिर टाकुरा

हरिया खेतका पाखा

वृक्षको पात आँकुरा । ५

बनजंगल छहरा पाखा

खोला र कन्दरा सबै

भरिए पल्लवी नौला

फूल झै लालित्य संगै । ६

पदमराज न्यौपाने

रामारोशन ४ अछाम

प्रकाशन मिति 2२०८१/१२/१२