चारु 
केलाई ठिक ,केलाई बेठिक भन्छन् अझै
समय अनुसारको ,आधुनिक भन्छन् अझै ।
मन त मनै हो जुन बेला पनि फेरिन सक्ने
पख पख भनी️ तोकेर कात्तिक भन्छन् अझै ।
दिन, रात, हप्ता पनि अनायासै बित्दै गयो ,
समाधान गर्न खोज्दा,मासिक भन्छन् अझै ।
हरेक झमेला बेहोर्दै , सबैलाई होस् भनी
सल्लाह गर्दा उसको नजिक भन्छन् अझै ।
मनमा के राख्छन् कुन्नी, बाहिर नै देख बरु
नगर त्यसो भन्दा समसामयिक भन्छन् अझै ।
गर्दा जे पनि गर्ने आफै , पाप पखालिन्छ रे
ऊदाहरणको लागि धार्मिक भन्छन् अझै ।
साच्चै प्रश्न ऊठाऊने मन थियो जानकारसँग
विश्लेषण गरी फेरी , नास्तिक भन्छन् अझै ।
प्रेम थापा "मन"चारुविश्वास गर्दा घात हात लागेको छ
किन किन मन बेस्सरी थाकेको छ।
भलो सोच्न नहुने रहेछ दुनियाँमा
हित गरेकाले नै दुश्मन ठानेको छ।
सु-कर्म गर्न पाए हुन्छ अरु व्यर्थ हो
सद्भाव हैन कुण्ठा मात्र पालेको छ।
अप्ठ्यारोमा अघि होइन सर्छ पछि
जति भलो गरेपनि पाप साँचेको छ।
सुखदुःख केही हैन मरि जाने चोला
सद्भाव नभई भेदभाव राखेको छ।
निर्मला सुवेदी,बागलुङ
Tags:
चारु